Вархељ од Тирана: Се надевам преговорите да почнат пред Самитот во Загреб
По средбата со премиерот Еди Рама, тој на заедничката прес конфернција рече дека се надева преговорите да почнат пред самитот во Загреб.
-Ние продолжуваме да ја сметаме Албанија како земја што е подготвена да ги почне преговорите. Фактот дека преговорите не почнаа во октомври, се однесуваше на загриженоста на некои држави. Ние ќе работиме се додека не ја постигнеме целта за почнување преговори. Работиме на отворање преговори пред самитот во Загреб, рече еврокомесарот.
Поздравувајќи ја работата на владата тој упати апел до целата политичка елита во земјата.
-Неопходно е сите политички партии во земјава да помогнат ова да стане реалност зашто е јасно дека без поддршка од сите партии нема да биде можно да се постигне напредок. Ќе зборувам и со опозицијата денес за да ни помогнат ова прашање да го направиме успех и да ја искористиме оваа можност, рече тој.
Додаде дека ценејќи ја работата од страна на Албанија, ќе и биде дадена помош од 28 милиони евра.
– Ви соопштувам уште една добра вест, со оглед на добрата работа што ја направи Албанија. Од претпристапните фондови, ние сме во можност да ви дадеме 28 милиони евра. Ние предлогот го испративме до ЕП и верувам дека се ќе заврши многу скоро, рече тој.
Изразувајќи сочувство до роднините на жртвите од разорниот земјотрес што се случи во Албанија на 26 ноември, тој додаде: „Ние ќе бидеме покрај Албанија за да помогнеме со се што можеме“.
Премиерот Рама,откако му се заблагодари за ангажираноста по земјотресот, рече дека ЕУ е единствен пат за земјата и за Албанците.
Тој соопшти дека донаторската конфренција за помош на Албанија во надминување на последиците од земјотресот ќе се одржи на 17 јануари во Брисел.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово