Вархеји во Приштина: Косово треба да продолжи со реформите
Комесарот за соседска политика и проширување на Европската унија, Оливер Вархеји, по средбата со косовската претседателка Вјоса Османи изјави дека Косово треба да продолжи со реформите, особено во правосудството.
-Имавме многу добра дискусија со претседателката Османи. Косово е одлучно на својот пат да стане членка на Европската унија. Го цениме тоа што Косово ни се придружи против руската агресија во Украина. Меѓу другото, разговаравме и за значењето на реформите. Косово мора да продолжи со реформите, особено во правосудството. Косово мора сериозно да се бори и против корупцијата и организираниот криминал, рече Вархеји.
Еврокомесарот додаде и дека целиот регион ќе има корист од нормализацијата на односите меѓу Косово и Србија.
Османи рече дека прашањето за правосудството „не е приоритет само на хартија“, туку е приоритет на Владата и граѓаните на Косово и најави поддршка од 6,5 милиони евра од ЕУ за владеење на правото.
Вархеји денеска се сретна со косовскиот премиер Албин Курти и претставници на граѓанското општество, а заедно со министерот за внатрешни работи на Косово, Џелал Свечла, ќе ја почне Програмата за внатрешни работи на Европската унија и Косово, со цел понатамошно усогласување на Косово со стандардите на ЕУ во спроведувањето на законот и борбата против организираниот криминал.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање