Вардар одржа лекција по ракомет во Манхајм!
Ракометарите на Вардар со доминантна игра вечерва забележаа значајна победа со 30:27 на гостувањето кај Рајн Некар Левен во 11.коло од Лигата на шампионите. Ова беше седма победа, втора оваа сезона за македонскиот тим во десетте меѓусебни средби со РНЛ.
Со освоените два бода избраниците на тренерот Роберто Гарсија Парондо направија голем исчекор кон освојување на второто место во А-групата со што ќе добие условно полесен противник во осминафиналето.
Вечерва во Мајнхајм „црвено-црните“ одлично го отворија натпреварот ја имаа контролата на резултатот Домаќините на почетокот по секој гол на Вардар успеваа да изедначат до 3:3, а потоа македонскиот шампион поведе и веќе не му дозволи на ривалот да се доближи. Највисоката предност во првиот дел беше седум голови разлика (16:9), но германскиот претставник со серија од 3:0 успеа на полувреме да отиде со „пристојна “ негатива (12:16).
Вардарци продолжија со извонредна игра и во вториот дел, а највисоката предност од седум разлика ја вратија во 50.минута кога на семафорот стоеше резултатот 27:20. До крајот со рутинирана игра натпреварот беше приведен до крај со посакуваниот исход.
Најефикасни во победничкиот состав беа Тимур Дибиров со седум, и Игор Карачиќ и Стојанче Стоилов со по шест голови. На голот Дејан Милосављев стигна до 10 одбрани.
Во домашниот состав швајцарскиот интернационалец Шмид имаше девет реализации.
Следниот меч Вардар ќе го игра на 16 февруари во Скопје против Веспрем.
Во пресрет на другите натпревари од 11.коло, на табелата во А-групата води Барселона со 18 бода, Вардар има 15, РНЛ 12, Киелце 12, Веспрем 12, Кристијанштад 5, Мешков Брест 5 и Монпеље 3.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО