„Вангардија“: Пуџдемон замина во Брисел
Сменетиот каталонски лидер Карлес Пуџдемон заедно со други поранешни членови на кабинетот замина во Брисел, пишува весникот „Вангардија“, повикувајќи се на официјални претставници на шпанската Влада.
Информацијата е објавена откако претпладнево некои медиуми го поставуваа прашањето каде се наоѓа Пуџдемон.
Тој изутринава постави фотографија на Инстаграм од дворот на зградата на регионалната каталонска влада во Барселона.
Заедно со фотографијата бил напишан и коментар на каталонски јазик „добро утро“ и смајли, што многумина ги оставило во недоумица дали тој навистина се наоѓа во владината зграда во Барселона.
Подоцна, државниот обвинител на Шпанија, Хосе Мануел Маза побара да се покренат обвиненија за бунт и поттикнување бунт против каталонскиот лидер поради обид за отцепување на регионот од Шпанија, за што е предвидена повеќегодишна казна затвор. Се наведува дека Маза побарал и покренување обвинение поради проневера на фондови.
Истовремено, западните медиуми пишуваат и дека сопругата на Пуџдемон, Марсела Топор веднаш по прогласувањето независност на Каталонија се вратила во својата родна Романија заедно со нивните две деца.
Ново на Сител
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи