Вандализам во кочанско: Сакале да крадат пари од манастир, па ги искршиле вратите и ги оштетиле иконите
Вандалски чин во текот на ноќните часови се случил во манастирот „Св. Богородица“ во кочанското село Чифлик, при што е искршена влезната врата на црковниот објект, но и на помошните простории.
Жители на селото и членови на Црковниот одбор кои утрово дошле кај објектот забележале дека е направена голема материјална штета, а насилниците влегле во внатрешноста и го испревртеле инвентарот и оштетиле дел од иконите на олтарот.
– Изненадени сме од дрскоста со која некој влегол во верскиот објект, при што целосно ја искршил и откорнал металната заштитна врата, ја фрлил на земја, а потоа насилно ја оштетил и дрвената порта. Внатрешноста на манастирот е целосно испревртена, особено околу олтарскиот дел, а забележавме дека физичка сила била користена и при влегувањето во помошните простории околу објектот. Ова се повторува неколку пати, поради што ја поставивме металната врата, но очигледно и тоа не ги спречи крадците. Случајот го пријавивме во полиција и очекуваме откривање на сторителот, истакна Илчо Нисов, член на Црковниот одбор во Чифлик.
По искуството од претходните грабежи, во манастирот не се оставаат пари и други вредни предмети, така што обидот за кражба останал неуспешен, освен што е направена материјална штета.
Од Црковниот одор на Чифлик нагласија дека кражби се забележани и во селската црква „Св. Наум Охридски“, при што наместо ноќе, насилниците дејствувале во текот на денот. Во криминалното однесување не ги спречил ниту поставениот видео надзор околу објектот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово