Вакцините „Синофарм“ пристигнаа во Охрид, регионалната имунизација против Ковид-19 почнува утре од 8 часот
Првата пратка од вакцините „Синофарм“ за имунизација против Ковид-19 пристигна во Регионалниот центар за вакцинација во Охрид.
На примопредавањето на пратката присуствуваше и градоначалникот на Охрид, Константин Георгиески, заедно со координаторите на Регионалниот вакцинален центар.
Според планот, од утре во 8 часот стартува масовната имунизација на населението од шест општини од југозападниот дел на земјата во Регионалниот центар за имунизација во спортската сала „Билјанини извори“ во Охрид.
За процесот на имунизација се монтирани 14 кабини со 28 пунктови за вакцинација, додека за чување на вакцините обезбедена е посебна ладилна комора со дополнителен електрогенератор.
Имунизацијата ќе ја спроведува медицински персонал од сите здравствени установи во градот, а 50 медицински сестри, десет лекари и 24 лица како помошен персонал ќе работат во две смени. Предвидено е во Регионалниот центар за вакцинација во Охрид да се врши имунизација на околу 1500 лица дневно.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација