В среда Столтенберг на одвоени средби во Брисел со Вучиќ и Курти
Генералниот секретар на НАТО Јенс Столтенберг в среда во седиштето на воената алијанса во Брисел ќе разговара со претседателот на Србија Александар Вучиќ, а потоа и со премиерот на Косово Албин Курти.
Како што информираше НАТО преку соопштение за медиумите, Столтенберг прво ќе се сретне со Вучиќ, по што во 15 часот и 30 минути ќе одржи заедничка прес-конференција. Курти, коментирајќи ги очекувањата од претстојната средба во Брисел рече дека тема на дијалогот треба да биде правно обврзувачки договор за нормализација на односите, со взаемно признавање на Косово и Србија.
Вучиќ најави дека ќе биде во Брисел на 17 и 18 август и дека ќе разговара со генералниот секретар на НАТО Столтенберг, како и дека ќе учествува во дијалогот со Приштина. Разговорите во седиштето на НАТО ќе се одржат само еден ден пред почетокот на новата рунда дијалог меѓу Косово и Србија, со посредство на Европската Унија.
Средбите на претседателот на Србија и на премиерот на Косово со шефот на НАТО доаѓаат речиси три недели по тензиите на северот на Косово, кои се зголемија по одлуката на Владата во Приштина за пререгистрација и лични документи.
Имено, одлуката за издавање документ за влез-излез при влез на државјани на Србија на територијата на Косово, како и пререгистрацијата на српските таблички со ознаките на градовите во Косово, предизвика силно противење на Србите на север и заострување на односите меѓу Приштина и Белград. Србија веќе 11 години применува идентична одлука за влез на граѓаните на Косово во Србија, потсетува РТК.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово