В понеделник тет-а-тет Мицотакис- Ердоган, Атина се надева на мирно лето во грчко-турските односи
Цврста позиција на Владата и на премиерот е дека каналите на комуникација со соседната земја треба да останат отворени. Ние сме за конструктивен дијалог, секогаш базиран на меѓународното право и со целосно почитување на меѓународните обврски што ги има преземено секоја земја, истакна портпаролката на грчката Влада Аристотелиа Пелони на денешниот редовен брифинг со новинарите, во пресрет на тет-а-тет средбата Мицотакис – Ердоган в понеделник, и додаде дека Грција се надева на мирно лето во односите меѓу двете земи, јави дописничката на МИА од Атина.
Грчкиот премиер и турскиот претседател ќе се сретнат во Брисел по завршувањето на НАТО самитот, а Пелони истакна дека ова ќе биде првпат Мицотакис и Ердоган да разговараат сами и нема да следи состанок на двете делегации.
Додаде дека во изминатите месеци веќе беа активирани сите канали на комуникација меѓу двете земји.
-Различни позиции со Турција постоеја и постојат. За многу прашања нашите позиции се дијаметрално спротивни. Токму ова е причината дека треба да разговараме со соседната земја. Тоа што не се согласуваме, не значи дека не разговараме, истакна портпаролката на грчката Влада.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок