Утре прскање против комарци во Гевгелија, Богданци, Дојран и Валандово
Авионско прскање против комарци утре од 4:30 до 9:30 часот ќе се изврши на териториите на општините од југоисточниот плански регион Гевгелија, Богданци, Дојран и Валандово, соопштија денеска од службите за информирање на четирите локални самоуправи.
Во општина Гевгелија ова ќе биде трето прскање против комарци, откако претходно во април терестички беа третирани мочуришните предели кои се легла на ларви и во јуни беше изведено авионско прскање, а во општина Дојран утре по петти пат ќе се прска против комарци на територија од 300 хектари во атарите на Стар и Нов Дојран.
Прскањето против комарци во општините Богданци и Валандово утре ќе се изведе по втор пат во рамки на заедничката акција во југоисточниот регион.
Надлежните општински служби апелираа до сопствениците на пчели да ги преземат сите неопходни мерки за заштита на пчелните семејства неколку часа пред и по извршеното авионско прскање против комарците.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари