Утре ќе работат училиштата, шопинг и административните центри во Брисел
Училиштата, шопинг и административните центри во главниот град на Белгија, Брисел, во текот на утрешниот ден ќе работат и функционираат нормално и покрај тоа што во белгиското кралство е на сила четврто ниво на закана од теорристички напад, јави дописникот на МИА од Брисел.
И покрај најавите, клучните бриселски институции утре ќе работат, одлучи градската администрација на Брисел, по денешните терористички напади на аеродромот и во бриселската метро-станица Малбек, во кои загинаа вкупно 30 лица, а над 200 беа повредени.
Премиерот на Брисел, Руди Вервоорт, по состанокот на регионалниот совет за безбедност со градоначалниците на 19 општини од Брисел и шефовите на локалните полициски области, соопшти дека забраната за културни и спортски настани и посета на туристички локалитети ќе важи само до вечерва и порача дека враќањето на четвртото ниво на закана за целата територија, по теориристичките напади на Париз од минатата година, „овојпат нема да го заклучат Брисел“.
Според Вервоорт, властите, исто така, ја проучуваат можноста за организирање автобуски превоз на површината на централните метро-линии каде на станицата Малбек се случи теорирстичкиот напад, додека линиите 2 и 6 се очекува од утре нормално да функционираат, заедно со трамвајскиот и автобускиот превоз.
Во однос на аеродромот Завентем, тој ќе остане затворен и утре, објави извршниот директор на бриселскиот аеродром Арно Фист.
Ново на Сител
-
Вештачењето откри - Избришани повици и пораки од телефонот на мајката на исчезнатата Данка
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто