Успешно лансирана американската ракета „Фалкон 9“
Од базата на американското Воено воздухопловство „Ванденберг“ во Калифорнија синоќа беше лансирана ракетата „Фалкон 9“, која во земјината орбита понесе неколку телекомуникациски сателити, јави ДПА.
Лансирањето на ракетата претставува симболично враќање во Вселената на компанијата „Спејс Икс“, при чиј претходен обид за лансирање, лани во септември, дојде до експлозија на ракетата-носач.
Вчерашното лансирање, првично беше планирано за минатиот викенд, но беше одложено поради лошите временски услови.
Со „Фалкон 9“ во земјината орбита беа однесени 10 сателити на компанијата „Иридиум Комуникајшанс“.
Околу девет минути по лансирањето, првиот степен на двостепената ракета сопственост на „Спејс Икс“, успешно се одвои од „Фалкон 9“ и се приземји на платформа во Тихиот Океан, јужно од базата „Ванденберг“.
Компанијата „Спејс Икс“ е формирана во 2002 година од страна на извршниот директор на „Тесла Моторс“, Елон Маск.
Ново на Сител
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”
-
Вратен и третиот мандат за формирање влада, следат нови избори во Бугарија
-
Ѓурчески: Се сомневам дека Данка е киднапирана, детално чешлање на сите криминалци во тој регион