Балкан
11. April 2020 - 11:42

Уште едно намалување на бројот на новозаразени со коронавирус во Словенија

Според податоците на Министерството за здравство на Словенија, изминатото деноноќие се направи нови 1.232 тестирања, со кои се потврдени 28 случаи на новозаразени со коронавирусот.

Како што јави дописникот на МИА до Љубљана, ова претставува намалување на бројот на инфицирани во споредба со минатите денови.

Во овој момент поради Ковид-19 хоспитализирани се 94 лица, а на одделенијата за интензивно лекување се наоѓаат 37 пациенти.

Во изминатите 24 часа, од болница се отпуштени 11 пациенти, а пет починале како последица од Ковид-19.