Уште едно дете почина на американско-мексиканската граница
Едно 16-годишно момче почина на пункт за гранична патрола во Тексас, со што стана петто дете од Гватемала кое од декември до сега го загуби животот откако е приведено од американските погранични агенти.
Царината и граничното обезбедување на САД соопштија дека тинејџерот бил приведен на 13 мај, откако ја преминал границата, и вчера бил пронајден мртов на станицата Веслако при редовна проверка на здравствена состојба на мигранти.
Властите тврдат дека причината за смртта е непозната, но локалните медиуми јавија дека момчето во неделата пријавило дека не се чувствува добро оти било прегледано од медицинска сестра која утврдила дека има грип.
Нему му бил препишан Тамифлу и бил префрлен во објектот на Веслако за да се избегне да зарази други лица.
Пред неколку дена едно двегодишно дете од Гватемала исто така почина после преминување на американско-мексиканската граница и задржување од страна на гранична патрола на САД. Конзулот на Гватемала во Дел Рио, Теканди Паниагва, објасни дека детето и неговите родители на почетокот на април влегле во градот Ел Пасо на границата на САД со Тексас. Тој наведе дека детето било однесено во болница, каде поради дијагностицирано запаление на белите дробови останало еден месец, но починало минатата недела.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари