Уште една жена победи на локалните избори - СДСМ прогласи победа во Македонска Каменица

Кандидатката за градоначалник на Македонска Каменица од редовите на СДСМ Соња Стаменкова, освоила 2.712 гласови, или 607 повеќе од противкандидатот Дарко Митевски од ВМРО ДПМНЕ кој ја добил довербата на 2.105 гласачи, информираат од штабот на СДСМ во М. Каменица.

Според овие партиски резултати, М. Каменица прв пат од своето осамосојување како општина ќе ја води кадар од СДСМ, но М. Каменица и Источна Македонија ја добија и првата жена градоначалник.

Излезноста на гласачите според партиски извори е 74 проценти, односно денеска во вториот круг на гласање за градоначалник во М. Каменица гласале 5.000 гласачи со право на глас. СДСМ и коалицијата го има и мнозинството во советот на Општина Македонска, Коалицијата „За живот во Македонија“ освоија шест советнички мандати, а ВМРо ДПМНЕ и коалицијата пет.