Живот
11. February 2016 - 11:52

Уште еден случај: Дадилка снимена како злоупотребува болна старица

Аргентинката Миријам Марино ангажирала дадилка која требала да се грижи за нејзината стара мајка (94), додека таа не е дома. Но, наместо тоа, дадилката буквално ја злоупотребувала жената која боледувала од Алцхајмерова болест.
 
Ќерката за ова дознала од својот сосед, кој претходно слушнал врева која доаѓала од нивната куќа.
 
Затоа, Миријам се одлучила да инсталира камери низ целиот стан, за да биде сигурна во она што и го кажуваат соседите.
 
Кога ги погледнала снимките, останала во шок. Дадилката на нејзината болна мајка ја удирала и влечела за коса.
 
Потоа, Миријам пријавила во полиција, а видео снимката од злоупотребата ја објавила на социјалните мрежи за да ги предупреди другите луѓе, пренесува „Metro“.