Уште еден републикански сенатор побара од Трамп да поднесе оставка
Пет Туми е втор републикански сенатор кој побара оставка од американскиот претседател Доналд Трамп, тврдејќи дека би можел да се соочи со кривична одговорност поради упадот на негови приврзаници во Капитол Хил, објави Гласот на Америка (ВОА).
– Сметам дека за нашата држава е најдобро претседателот да поднесе оставка и да си замине колку е можно побрзо, истакна Туми за Ен Би Си, оценувајќи дека постапките на Трамп по изборите се без преседан.
Тој нагласи дека Трамп би можел кривично да одговара поради немирите кои се случија во Капитол Хил.
Туми, кој до неодамна беше приврзаник на Трамп од редовите на конзервативците, го изнесе својот став во момент кога демократите подготвуваат процедура за импичмент на Трамп во Претставничкиот дом, а истовремено во тек е федерална истрага за инцидентот во кој загинаа пет лица, а десетици се повредени.
Лиза Мурковски беше првата републиканска сенаторка која порача дека американскиот претседател во заминување Доналд Трамп треба веднаш да се повлече од функцијата.
Ново на Сител
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка