Уште еден нов пливачки базен во СЦ „Борис Трајковски“
По извршената реконструкција на пливачкиот базен и извршеното тестирање на целиот систем, денеска ќе биде отворен уште еден пливачки базен во рамки на затворениот објект со базени во Спортскиот центар „Борис Трајковски“.
Базенот ќе биде наменет за сите посетители, за оние кои сакаат да научат да пливаат и да инвестираат во своето здравје. Овој дел е опремен со соодветни туш кабини и тоалети, а секој родител ќе може одблизу да го следи тренингот на своето дете.
Директорот на СЦ „Борис Трајковски“ Александар Петровски ги повика сите граѓани да го посетат, како што вели, најдобриот пливачки базен, што ги нуди најдобрите услови и да уживаат во беспрекорно чиста вода, која се одржува со најсовремена технологија.
– Го прошируваме капацитетот на најдобриот пливачки базен во нашата држава. Правиме нешто со што базенот по деветгодишна пренамена од базен во сала за бокс беше крајно нерентабилен, како и несоодветен простор за изведување на тренинзи од таков тип, без обезбедување на основните човечки услови за такви тренинзи. Затоа со мојот тим одлучивме да направиме уште едно добро, со кое базенот го враќаме на пливачите, на сите посетители кои ќе го користат за терапевтско пливање, за сите родители кои сакаат да уживаат заедно со своите деца, изјави Петровски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка