Уште две жртви во невремето во Белгија
Невремето што ја погоди Белгија во текот на вчерашниот ден однесе уште два животи, јавија денеска белгиските медиуми.
По поројните дождови што вчера попладне ја погодија јужната област Валонија, се пронајдени безживотните тела на еден возач и на повозрасна жена.
Возачот загинал кога неговиот автомобил бил однесен од надојдените води и удрил во сообраќаен знак. Жената пак била затечена од бурата, при прошетка со свои пријатели, со кои се сокрила под еден мост. 3а несреќа, водата во реката надошла и ги однела сите, но за разалика од жената, нејзините пријатели се спасиле.
Неофицијално бурата може да е и причина за излетувањето на воз од шините во неделата вечерта, при што загинаа три лица, а деветмина беа сериозно повредени.
Последниве денови Белгија е зафатена од силно невреме проследено со грмотевици. Минатата седмица во поплавите загина еден возрасен маж и тој беше првата жртва од ова невреме.
Ново на Сител
-
Мачка се држи за рачка на врата од автомобил во поплавите во Дубаи | ВИДЕО
-
За викендот дожд и грмежи, а на планините снег
-
Над 3000 вработени во културата оставени без плата
-
Србија: Приведени четворица припадници на косовската полиција
-
СПМ: Пендаровски секогаш бара вина кај другите
-
Османи: Петмина косовски полицајци се држат во заложништво во Србија
-
Неделков: СОНК нема да дозволи исплата на плата спротивно на Колективниот договор за дејноста култура
-
Над 20 слаби земјотреси регистрирани во Турција