УС Опен: Ѓоковиќ им „пркосеше“ на Американците

Новак Ѓоковиќ трет пат во кариерата ја освои титулата на Ју-Ес Опен. Во финалето, српскиот тенисер го победи Аргентинецот, Хуан Мартин дел Потро, со 3:0 (6:3, 7:6, 6:3). Ѓоковиќ со победата што му ја донесе 14.гренд слем титулата во кариерата се искачи на третото место на АТП листата.

 

Дуелот на најголемиот тениски стадион во светот, се одигра пред 24.000 гледачи, кои во најголем дел навиваа за Дел Потро. Србинот неколку пати, во текот на мечот, жестоко реагираше кон публиката, но успеа да се избори со тој притисок, особено во осмиот гем од вториот сет, кој траеше 20 минути и потоа во тај-брејкот на тој сет, кога од 1:3 успеа да го освои сетот со 7:4.

 

Првиот сет го реши еден брејк, кој го направи Ѓоковиќ во осмиот гем кога од 40:0 успеа да дојде до брејк, а еден брејк беше клучен и во третиот сет, иако Ѓиковиќ направи брејк, а Дел Потро возврати со ри-брејк, сепак Србинот до крајот уште еднаш му го одзеде сервисот на противникот.

 

Со победата во Њујорк, Ѓоковиќ на вечната листа на играчи со најмногу гренд слем титули се израмни со својот идол, Пит Сампрас. Пред него се само Рафа Надал (17) и Роџер Федерер (20).