Свет
20. September 2017 - 13:50

Ураганот Марија пристигна до Порторико

Ураганот Марија го погоди Порторико како бура од четвртата категорија со ветрови од 230 километри на час, соопшти денеска американскиот Национален центар за урагани.
 
Центарот на ураганот удри во близина на местото Јабуко на југоисточниот дел на островот, а претходно со разорувачка моќ го погоди малиот карипски остров Доминика, објави американскиот Национален центар за урагани.
 
Гувернерот на Порторико, Рикардо Росело, предупреди дека Марија може да го погоди островот со таква силина и разорувачка моќ, каква што не е видена со децении.