Упаднаа во село и убија 115 луѓе: Деца и бремени жени настрадаа во налетот на џихадистите во Мали
Претставници на племето Фулани, во централниот дел на Мали, соопштија дека бројот на загинатите во нападот изведен од милицијата се искачил на 115, а меѓу нив имало и бремени жени и деца.
Абдул Азиз Диало, претседател на групата, соопшти дека бројката е откако ги примил деталните информации од локалните власти. Претходно беше соопштено за 60 мртви.
Во нападот е убиен и поглаварот на селото Огасагуа, заедно со неговите внуци.
Молаје Гуиндо, локален градоначалник, вели дека очигледно станува збор за етнички мотивиран напад.
-Мажи, облечени како ловци Донзо, го нападнаа селото во близина, дополни Гуиндо.
Тој дополни дека селото Огасагуа е целосно уништено.
Неименуван жител на селото верува дека нападот бил одмазда за нападот во кој минатата недела загинаа 23 војници, а одговорност за тоа вчера ја презеде организација поврзана со Ал Каеда. Ти, пак, велат дека се одмаздувале за насилствата кои војската на Мали ги извршила врз припадниците на малцинството Фулани.
Локалните власти, од своја страна, велат дека во прашање е „масакр на цивили од заедницата Фулани” и оти го извеле традиционални ловци од ривалската заедница Догони. Фулани се номади кои се занимаваат со сточарство и трговија. Догони се познати како ловци, а во светот по верските ритуали и танцувањето под маски.
Догоните ги обвинуваат Фуланите дека ги поддржуваат џихадистите поврзани со терористичките групи на северот на земјата. Фуланите, пак, ги обвинуваат Догоните дека ја поддржуваат војската на Мали.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри