Универзитетот во Тетово ќе донира 10.000 евра за жртвите од земјотресот во Албанија

– Сенатот на Универзитетот во Тетово на денешната седница одлучи да донира 10 илјади евра помош за семејствата погодени од земјотресот во Албанија.

Со ова Универзитетот во Тетово се приклучува на многу локални, регионални и меѓународни институции со иницијатива за изразување солидарност со Албанија, велат од тетовската образовна установа.

– Со оваа одлука Универзитетот во Тетово се солидаризира со нашите браќа и сестри од Република Албанија, кои за жал беа погодени од оваа природна непогода со човечки последици и значителна материјална штета. Оваа одлука за донација ја сметаме за обврска на албанските граѓани, кога сметаме дека во вакви ситуации реакцијата и помошта е многу важна и неопходна, изјави ректорот проф. Д-р Вулнет Амети, воедно и претседател на Сенатот.

Во кругот на Универзитетот, средства за настраданите во Албанија собираа и студентите. Тие оставаа доброволни прилози.