УНИЦЕФ: Околу 400 илјади сириски деца бегалци ви Турција не одат во училиште

Над 40 проценти од сириските деца бегалци во Турција или околу 380 илјади деца не одат во училиште, што претставува ризик од појава на „една загубена генерација“, предупреди денеска УНИЦЕФ.

- Доколку не бидат доделени доволно средства се уште има реален ризик за една загубена генерација сириски деца, лишени од знаењата, кои ќе им бидат потребни еден ден, за да ја обноват земјата, посочи во соопштение заменик-извршниот директор на УНИЦЕФ, Џастин Форсајт.

Според УНИЦЕФ од 2,7 милиони Сиријци, кои нашле засолниште во Турција, 1,2 милиони се деца.