УНХЦР: Унгарија да се откаже од строгите правила за азил
Агенцијата за бегалци на Обединети нации (УНХЦР) го повика унгарскиот премиер Виктор Орбан да се откаже од строгите правила за азил, чии делови го кршат меѓународното право.
Унгарија минатиот месец ги затвори така наречените транзитни зони за мигранти, ослободи околу 300 бегалци, но воведе построги правила и пракса за идните барања на азил, според кои барањето за азил да се поднесе во конзулатите во соседните држави, а не на унгарската граница.
– Тоа би можело да ги изложи барателите на азил на ризик од протерување и лошиот третман, што е кршење на Конвенцијата за бегалци од 1951 година и други меѓународни и регионални инструменти за човекови права, чиј потписник е и Унгарија. Можноста за пристап до територијата е клучен предуслов за правото за барање на азил, се наведува во соопштението на УНХЦР.
Портпаролот на унгарската Влада тврди дека новите правила им пружаат можност на барателите на азил своите барања да ги предадат на регулиран начин.
– Илегалната миграција е спротивна на унгарските и на регулациите на Европска Унија. Поради тоа, во согласност со ставот на унгарскиот народ, Унгарија ќе продолжи да ги штити шенгенските граници на ЕУ од илегална миграција, наведе портпаролот на унгарската Влада.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка