Унгарија ќе ги блокира телефонските повици од региони на терористички напади
Унгарската Влада планира да ги ограничи телефонските повици во регионите на евентуални идни терористички напади за да го спречи претоварувањето на комуникациските мрежи и да не им попречува на итните медицински и спасувачки служби, изјави министерот за внатрешни работи Шандор Пинтер, цитиран од американските медиуми.
Според него, граѓаните ќе можат да испраќаат само електронски пораки од регионите што се зафатени од терористички напади. Техничките аспекти на проблемот ќе бидат прецизирани заедно со телекомуникациските компании.
-Мобилните мрежи често пати се блокираат по ваквите инциденти, затоа што многу луѓе сакаат да се поврзат со своите блиски или пријатели, изјави Пинтер.
Алтернативно решение би било проширување на мрежата наменета само за полицијата и спасувачките служби, за истата да може да се користи и од други итни служби, како противпожарната, Брзата помош и болниците.
Оваа идеја се наоѓа во новиот пакет од антитерористички мерки, што унгарската Влада во моментот ги разгледува. Таа сака, исто така, да го прошири достапот на итните служби до финансиските трансакции и личните комуникации на граѓаните.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово