Унгарија гради нова ограда на границата со Србија
На јужната унгарска граница со Србија се гради нова ограда, опремена со електрошокови за бегалците, сензори за топлина, камери и звучници, од кои ќе се објавуваат пораки на неколку јазици, пренесува Хина.
На врвот на бегалската криза во 2015 година, Унгарија беше на главната рута за стотината илјадници луѓе кои бараа засолниште во западна Европа. Поставената бодликата жица и новите строги закони го намалија приливот на бегалци на минимум, но Унгарија не сака да ризикува.
„Внимание, внимание. Ве предупредувам дека сте на унгарска граница. Доколку ја оштетите оградата, илегално ја минете или тоа се обидете да го сторите, во Унгарија тоа ќе се смета за криминал. Ве предупредуваме да не го правите тој криминал. Своето барање за азил можете да го предадете во транзитната зона“, се слуша од звучниците на новата бариера, на англиски, арапски и персиски јазик, пренесува Хина.
Т.н. „транзитни зони“ се два пункта на границата, каде илегален влез е дозволен за само 10 бегалци дневно. Здруженијата за заштита на човековите права тврдат дека тие се целосно неадекватни, дури и потенцијално илегални бидејќи создаваат чепови.
Новата, осветлена и челична ограда секој кој ќе ја допре ќе го погоди со електрошок, за кој извори тврдат дека е благ. Меѓу старата и новата ограда ќе патролира полиција.
Засега се направени само 10 километри од новата ограда, но службениците тврдат дека остатокот, од околу 140 километри ќе бидат довршени во следните два месеца и оти за изградба на истата се ангажирани околу 700 затвореници.
Унгарската Влада за оваа цел намени околу 123 милиони евра.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка