Унгарија целосно ја затвори границата со Србија
Унгарија попладнево ја затвори границата кон Србија, иако тоа беше најавено за вечерва на полноќ, кога стапуваат во сила измените во законите со кои се предвидува значително засилување на гранична контрола, јави српската државна телевизија РТС.
Целта на измените на законите е да се спречи секаков влез на бегалци од Србија во Унгарија.
Телевизијата информира дека од попладнево Унгарија почнала да ги враќа сите бегалци, кои се обидувале од Србија на влезат на унгарска територија.
Во рамки на засилената гранична контрола во делот од границата кон Србија, Унгарија распореди околу 4.300 војници.
Уште пред целосното затворање на гранмицата, Унгарија денеска го затвори граничниот премин на железничката пруга Белград-Будимпешта, кои бегалците најчесто го користеа за влез во земјата.
Како што јави Фена, на преминот на железничката пруга е поставена бодликава жица, а околку него се распоредени војници и полицајци на коњи. Реонот го надлетуваат хеликотери.
Според податоците на унгарските власти, денеска од полноќ, па до 8 часот во Унгарија од Србија влегле 3.280 илегални имигранти. Вчера во Унгарија пристигнале 5.809 бегалци, што претставува рекорден прилив на илегални имигранти во земјата во еден ден.
Ново на Сител
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”
-
Вратен и третиот мандат за формирање влада, следат нови избори во Бугарија
-
Ѓурчески: Се сомневам дека Данка е киднапирана, детално чешлање на сите криминалци во тој регион