Унапредување на соработката меѓу деловната заедница и универзитетите
Поттикнување развој на академски програми за високо образование релевантни за деловниот сектор и зголемување на бројот на практикантствата во земјата има за цел денеска одржаниот настан за „Унапредување на соработката помеѓу деловната заедница и универзитетите‘‘.
Настанот е дел од предвидените активности на Американската стопанска комора во Македонија (АмЧам Македонија) и е организиран во партнерство со Универзитетот „Свети Климент Охридски“ – Битола.
Како што соопшти Американска стопанска комора во Македонија, проректорот за настава на УКЛО - Битола, Марјан Ангелески на отворањето истакнал дека универзитетите во денешно време не се повеќе изолирани острови, туку сѐ повеќе стануваат активни субјекти и градат партнерски однос со стопанството, со цел што поголема диверзификација на студентите, поради што тие се отворени на деловната заедница да понудат можност за системско користење на нивните капацитети.
Извршната директорка на АмЧам Македонија, Мишел Османли посочила дека континуираните средби на факултетите со компаниите се неопходни за заеднички да се идентификуваат конкретните начини за соработка, за кои и двете страни се заинтересирани и се во можност да ги остварат.
Американската стопанска комора во Македонија ги застапува интересите на над 110 најуспешни македонски и меѓународни компании и има за цел Македонија да биде целосно интегриран и конкурентен член на глобалната економија, како и атрактивен инвестициски центар за меѓународните бизниси во регионот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово