Свет
18. November 2019 - 9:28

Умерен земјотрес регистриран на Гуам

Земјотрес со интензитет од 5,6 степени според Рихтеровата скала денеска е регистриран на брегот на Гуам во Тихи Океан, соопшти американскиот Геолошки институт.

Епицентарот на земјотресот бил околу 41 километри северозападно од селото Лиго, на длабочина од околу 67 километри.

Се уште нема информации за евентуално настрадани луѓе и причинета материјална штета на островот на кој живеат 210.000 луѓе.

Исто така не е објавено предупредување за појава на цунами.