Фудбал
20. April 2017 - 19:37

Улрих замена за повредениот Нојер

Мануел Нојер поради повреда на стапалото, со која се здоби во четвртфиналниот реванш против Реал во Мадрид, ќе го пропушти финишот на сезоната.

„Тажен сум што нема да бидам со тимот во финишот на сезоната. Морам да се сконцентрирам на мојата рехабилитација“, порачал 31-годишниот голман.

Лекарскиот тим на Баерн, по извршените дополнителни лекарски прегледи, само го потврдил она што го очекуваа во клубот.

Во финишот на сезоната Нојер ќе го замени 28-годишниот Свен Улрих.

Баерн, во финишот на сезоната, влегува со осум бодови повеќе од Лајпциг. До крајот на Бундеслигата остануваат уште пет кола.