Украина тврди дека пресретнала повик што докажува дека Русија је разнела браната Каховка
Украинската служба за безбедност (СБУ) денеска соопшти дека пресретнала телефонски повик со кој се докажува дека руска „диверзантска група“ ги разнела хидроцентралата и браната Каховка во јужна Украина, пренесе Хина.
Уништувањето на браната во вторникот предизвика големи поплави, принудувајќи илјадници жители да избегаат од домовите и предизвикувајќи уништување на животната средина.
Русија и нејзините претставници во Украина го обвинија Киев за уништувањето на браната, но понудија различни објаснувања.
Службата за безбедност на Украина (СБУ) на својот канал Телеграм објави аудио снимка од наводниот разговор во траење од 1,5 минута, а на кој се слуша разговор на двајца мажи како на руски зборуваат за последиците од катастрофата.
„Тие (Украинците) не го нападнаа. Тоа беше нашата диверзантска група“, рече еден човек опишан од СБУ како руски војник. „Тие сакаа, со таа брана, демек, да ги исплашат (луѓето). Тоа не одеше според планот и (тие направија) повеќе отколку што планираа“, кажува едниот од соговорниците на снимката до која дошла украинската СБУ.
Службата не дава повеќе детали за разговорот или идентитетот на учесниците, но најави дека отворила кривична истрага за воени злосторства и „екоцид“.
„Напаѓачите сакаа да ја уценат Украина со минирање на браната и приредија вештачка катастрофа на југот на нашата земја“, објави СБУ.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово