Свет
1. December 2022 - 18:28

Украина и Русија разменија 50 заробеници

Руското Министерство за одбрана и шефот на кабинетот на украинскиот претседател соопштија дека двете земји денеска размениле 50 заробеници.

Претходно денеска, официјален претставник назначен од Русија во окупираната област Доњецк објави дека Москва и Киев ќе разменат заробеници.

Андриј Јермак, шеф на канцеларијата на Володимир Зеленски, извести за ослободување на 50 „заштитници на Украина“ и рече „дека размената на затвореници ќе продолжи до ослободувањето на последниот Украинец“.

„Се вратија бранителите на Мариупол и Азовстал, како и приведените во борбите во правец на Доњецк, Луганск и Запорожје“, напиша Јермак на Телеграм.

Русија најави дека ослободените ќе ги одведе во Москва на медицински преглед и рехабилитација.