УЈП присилно ќе наплатува радиодифузна такса
Управата за јавни приходи (УЈП) од 15-ти овој месец ќе почне со присилна наплата на неплатените сметки за радиодифузна такса, најавуваат од Управата.
УЈП ги повикува граѓаните кои имаат заостанати долгови за радиодифузна такса да ги платат во најкраток можен рок, со цел да не се изложуваат на дополнителни трошоци за присилна наплата и блокирање на нивните сметки.
- Со цел намалување на времето и трошоците за плаќање на радиодифузна такса, без чекање на шалтери, граѓаните може да извршат плаќање на таксата со Виза, Маестро и МастерКард безготовинска картичка преку интернет, користејќи ја електронската услуга „е-Радиодифузна такса“ http://etax.ujp.gov.mk. Регистрацијата за е--Радиодифузна такса е бесплатна, брза и едноставна, единствено што ви е потребно е пристап до интернет и е-пошта, порачуваат од УЈП.
Управата им препорачува на граѓаните за проверка на состојбата на долговите и за проверка дека извршеното плаќање е евидентирано, да го користат електронскиот сервис е-Радиодифузна такса или со доказ за извршената уплата да се обратат во даночните канцеларии со цел да се осигураат дека нема да биде спроведена присилна наплата на долговите.
Повеќе корисни информации граѓаните може да добијат преку Инфо центарот на УЈП на бројот 0800 33 000.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка