УХМР: Најмногу дожд во Куманово и Прилеп, еве какво време не очекува деновиве
Во изминатите 24 часа најмногу дожд, седум литри на метар квадратен наврна во Куманово и Прилеп, шест литри во Демир Капија, пет во Крива Паланка, Берово и Претор, четири во Охрид и Маврови Анови, три во Петровец, Струмица, Тетово и Битола, два во Пожаране и Лазарополе и еден литар на метар квадратен во Дојран, Гевгелија и Ѓуриште, информира Управата за хидрометеоролошки работи (УХМР).
Според најавите од УХМР, времето денеска ќе биде сончево со мала до умерена облачност, попладне во западните делови ќе има услови за изолирана појава на краткотраен пороен дожд и ретки грмежи. Ќе дува умерен до засилен северозападен ветер, особено ќе биде изразен долж Повардарието и во источните делови. Максималната температура ќе биде во интервал од 25 до 32 степена, а УВ индексот ќе достигне до осум. Во Скопје максималната температура ќе изнесува 29 степени.
Во наредните денови во поголемиот дел од земјава ќе преовладува стабилно и суво време, до петок ќе биде ветровито со засилен северен ветер. Локално се уште ќе има услови за изолирана појава на краткотраен пороен дожд и грмежи.
В сабота времето ќе биде сончево и значително потопло, а од недела попладне и во наредните денови повторно ќе биде нестабилно со пороен дожд и грмежи. Локално се очекуваат и поинтензивни процеси.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари