УХМР најавува постудено време со засилен ветер, локален дожд и снег
Под влијание на постудена и релативно влажна воздушна маса од север, денеска ќе преовладува претежно облачно време, во западните делови со повремен локален дожд со слаб интензитет. Кон крајот на денот на планините и на некои повисоки места (800 м.н.в, а во северните делови и пониско) ќе поминуваат во снег. Ќе дува слаб до умерен северен ветер, кој во текот на ноќта ќе се засилува.
Во текот на ноќта врнежите ќе бидат поинтензивни и ќе се прошират и во другите делови од земјава, а на планините во северозападните делови ќе се формира и снежна покривка.
Врнежите ќе продолжат и утре, особено претпладне и ќе бидат од дожд а на планините и повисоките места од снег. Ќе дува на повеќе места засилен северен ветер и ќе предизвика позначителен пад на дневната температурата, која ќе биде во интервал од 2 до 9 степени.
Потоа следува период на стабилно и суво време со ниски утрински температури кои на места ќе се спуштат под нула, а дневните ќе бидат во пораст.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари