УХMР: Дождот во следните денови ќе го зголеми водостојот на реките
Врнежите дожд кои во следните две дена наместа се очекува да достигнат и над 70 литри на метар квадратен ќе предизвикаат зголемување на водостоите на реките кои сега уште се под просекот за ноември.
Од УХРМ информираат дека зголемување на водостојот се очекува на сите водотеци низ земјава, особено кај помалите водотеци со мали сливни површини кај кои побрзо се формира истекувањето.
- Доколку се остварат прогнозите и на места заврнат над 70 л/м2 можно е да дојде до значително зголемување на водостојот и полнење на коритата на помалите реки, а на некои места можно е да има и локални излевања, пред се на малите водотеци. Кај големите реки со големи сливни површини се очекува зголемување на нивниот водостој, но тие би имале доволно голем капацитет да ги примат овие врнежи без можност за нивно излевање, велат од УХРМ.
Оттаму предупредуваат на внимателно движење покрај водотеците, особено покрај помалите, и будно следење на состојбата во следните денови.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација