Ученици и наставници од Европа преку „Еразмус +“ во посета на Општина Аеродром
Општина Аеродром ја посетија основци од неколку европски држави, кои преку програмата „Еразмус плус“, престојуваат во Скопје.
Домаќин беше ООУ „Димитар Македонски“, а гости ученици од четири земји: Хрватска, Турција, Полска и Португалија. Учениците имаа можност да разменат искуства и да ги запознаат културата и образовниот систем од различни земји и националности.
Проектот „Еразмус плус“ придонесува за кршење на предрасудите и стереотипите за одделни земји, нации и религии, но пред сè, помага во справувањето со проблемите и предизвиците во воспитно-образовниот процес и развојот на децата, споделувајќи ги и негувајќи ги европските вредности.
Преку оваа програма, воспитувачи и наставници од Бугарија, Хрватска, Италија и Португалија престојуваа во градинката „Срничка“. Тие ја посетија и Општина Аеродром, а ги прими секретарот на Општината, Марица Ѓурческа, која ја поздрави иницијативата за размена на едукативни искуства, што придонесува за подобрување на образовниот процес.
Проектот е финансиран од Европската комисија преку Националната агенцијата за европски образовни програми и мобилност со цел размена на искуства и добри практики.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање