Убедлива победа на македонските фудбалски надежи над Црна Гора

 

 

 

 

 Младата репрезентација на Македонија до 16 години (фудбалери родени 2000 година) славеше убедлива победа со 7:0 над нивните врсници од Црна Гора. 

 

На првиот од двата контролни натпревари на теренот од тренинг центарот „Петар Милошевски“ младите македонски фудбалери доминираа во текот на целиот меч. Избраниците на селекторот Добринко Илиевски прашањето на победникот го решија уште во првото полувреме во кое постигнаа три гола.

 

Дејан Кулушевски постигна дури четири од седумте погодоци за црвено-жолтите, а во листата на стрелците се запишаа и: Никола Спасов, Бојан Колевски и Емир Скендери.

 

Вториот натпревар овие две селекции ќе го одиграат во четврток (10 март) со почеток од 11 часот.