Македонија
14. May 2018 - 11:43

Уапсени две момчиња за серијата кражби во цркви во тетовско, едниот е малолетник

Секторот за внатрешни работи Тетово целосно ги расчисти шестте тешки кражби, кои во текот на овој месец беа извршени во православни цркви во Тетово, Копанце, Радиовце и Подбреѓе.

Сторители на овие дела се Џ.М. (22) од Тетово и 17-годишник од село Озормиште, тетовско.

Тие во разговор во полициска станица ги признале делата. По целосно документирање на случаите против нив ќе виде поднесен соодветен поднесок.

Тие ги извршиле кражбите со насилно отворање на влезните врати или со кршење на прозорците, по што од каси, маси за продажба на свеќи или од икони одзеле парични средства во вкупен износ од над 6.000 денари, а причиниле и поголема материјлна штета.