Свет
21. July 2016 - 18:50

Уапсени десет приврзаници на ИД кои планирале напади за време на Олимпијадата во Рио

Бразилската полиција денеска уапси 10 лица под сомнеж дека припаѓале на група блиска на Исламска држава (ИД) и планирале терористички напади за време на претстоечките Олимписки игри во Рио де Женеиро, изјави денеска бразилскиот министер за правда Александер Мораеш.

Бразилското претседателство соопшти дека времениот шеф на државата Мишел Темер поради тоа свикал итна седница на Владата.

Министерството за правда наведува дека антитерористичката операција е спроведена во девет бразилски сојузни држави.

Суд во државата Парана соопшти дека постојат индикации дека уапсената група планирала да употреби оружје и герилски тактики на борба, за да ги оствари своите цели.