Уапсени 102 лица на демонстрациите на „жолтите елеци“ во Париз
Мобилизацијата на „жолтите елеци“ во Франција е поголема од претходната сабота, се до 17.30 часот, протестите се одвиваат во многу помирен амбиент и покрај присутните тензии со силите на редот, јавува дописникот на МИА.
Според полицијата во Париз уапсени се 102 лица, а на 74 им е изречена мерка притвор, по полициските контроли. Министерството за внатрешни работи процени дека на демонстрациите зеле учество до 15.00 часот 32.000 „жолти елеци“, од кои 8.000 во Париз.
Овие бројки е тешко да се проверат, бидејќи нема независни извори. Според телевизијата „Франс Инфо“ денеска биле мобилизирани околу 50.000 лица. Се проценува дека во Бордо беа околу 6.000, во Тулуз 5.000, исто толку во Бурж, каде на крајот од демонстрациите имаше судири со силите на редот, а кога започнаа да подигаат барикади, беа уапсени 17 лица.
Во Ним беа меѓу 700 и 1.000 демонстранти кои се обидоа на крајот од протестот да влезат во префектурата но беа одбиени од полициските сили, по што подигнаа барикади со бариери од градилиштата и бетонски блокови. Во Руан каде демонстрираа 2.500 лица, беа нападнати новинарски екипи. „
Жолтите елеци“ во текот на овие двомесечни протести, редовно ги напаѓаат новинарите, обвинувајќи ги „дека се блиски до власта и дека не ја кажуваат вистината.“.
Деветиот чин на „жолтите елеци“ помина со зголемена мобилизиација, но и со помалку насилнички испади и судири со силите на редот.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри