Уапсен велешанецот кој пукаше во полицаец

Утринава е приведен велешанецот кој вчера пукаше во полицаец. Станува збор за триесет и три годишен маж, информираат од МВР.

Инцидентот се случил  вчера во близина на гробиштата во Велес,  откако полицаецот се обидел  да го легитимира осомничениот и уште  три лица, поради сомнеж дека се крадци.

Четворицата го нападнале полицаецот, а уапсениот му го одзел  пиштолот и испукал 5 куршуми кон него, од кои 4 го погодиле во стомак, а еден во колено, но полицаецот не е во животна опасност.