Уапсен осомничениот за вчерашното убиство во Мала Речица
Тетовската полиција денеска околу 6 часот во непосредна близина на мостот помеѓу тетовските села Пршовце и Теарце го уапсила осомничениот Џ.Х.(56) од Тетово за вчерашното убиство во Мала Речица на Хасмир Х.(43) од Лисец.
Според податоците на СВР Тетово, Џ.Х. при полициската акција за негово приведување извадил пиштол и се обидел да го употреби односно да пука кон полициските службеници, но брзо и ефикасно бил совладан и приведен во СВР Тетово.
Кај осомничениот биле пронајдени и со потврда одземени пиштол „ТТ“ од руско производство и 30 куршуми што ќе се вештачат, јави дописникот на МИА.
Во текот на денешниот ден а во координација со јавен обвинител и со соодветен поднесок Џ.Х. ќе биде изведен пред судија во претходна постапка на Основниот суд Тетово, најави портпаролот на СВР Тетово.
Убиство на Хасмир Х. се случи вчера околу 15 часот и 30 минути откако осомничениот Џ.Х. со велосипед дошол до чајџилница во тетовска Мала Речица и откако влегол внатре пред повеќе очевидци го застрелал Хасмир со еден куршум во пределот на срцето по што избегал од местото на убиството.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп