Балкан
21. January 2020 - 15:05

Уапсен началникот на Клиниката за анестезија во Бања Лука - блудничел над анестезиран пациент

Докторот Дарко Голиќ, началник на Клиниката за анестезија и интензивно лекување при Ургентниот клинички центар во Бања Лука, е уапсен под сомнение дека блудничел над немоќен пациен на своето работно место. Иако првично се појави информација дека обљубата е извршена врз малолетно лице, набрзо е утврдено дека станува збор за маж на 36-годишна возраст, татко на две деца, кој бил сместен на лекување во клиниката во Бања Лука, пренсуваат српските медиуми.
 
Монстуозниот чин се случил вчера во просториите на Клиничкиот центар кога началникот Голиќ отишол кај пациентот. Случајот го пријавиле медицинските сестри кои го затекнале Голиќ како сексуално го вознемирува несреќниот маж.
 
Раководството на УКЦ во РС за овиј скандал дознало од дежурните служби дека докторот Голиќ неетички се однесувал кон пациентот. Одма случајот го пријавивме во полиција и побаравме да се испита целосно, бидејќи целта ни е сите наши пациенти да бидата заштитени, изјавил доктор Владо Џаиќ кој потенцирал дека пациентите за нив се на прво место и оти е покрената дисциплинска постапка против осомничениот Голиќ кој е и суспендиран од работното место.
 
Директорот на полицијата во Република Српска Дарко Чулум потврдил дека е во тек истражна постапка и не може да соопшти повеќе детали. Против приведениот доктор ќе бидат преземени сите законски мерки.