Уапсен македонски државјанин во Грција со над 32 килограми канабис
Грчката полиција, со помош на полициското куче Хани, на грчката страна од граничниот премин Богородица (Евзони) во петокот напладне, уапсила 36-годишен странски државјанин кој во Грција се обидел да внесе 32 килограми и 766 грама канабис, а според информациите на дописничката на МИА од Атина, станува збор за македонски државјанин.
Како што соопштија од грчката полиција на прес-конференција во Солун, дрогата била рачно спакувана во 61 пакет, скриени во внатрешниот и во надворешниот дел на автомобилот, а полициската акција била организирана по добиени информации.
-При темелна контрола на возилото, со помош на полициско куче, во браникот на возилото и во внатрешноста, во командната табла беа откриени вкупно 61 рачно спакувани пакети со 32 килограми и 766 грама канабис што беа одземени. Триесет и шестгодишникот беше изведен пред истражен судија во Кукуш и му беше одредена привремена мерка притвор, рече на вчерашната прес-конференција во Солун, Петрос Танос, шефот на канцеларијата за информации и односи со јавност на Главната полициска дирекција Централна Македонија.
Од грчката полиција на нивните официјални Твитер и Фејсбук профили јавно му се заблагодарија на полициското куче Хани за неговата „драгоцена помош“ за откриената дрога во конкретниот случај.
Хани е белгиски овчар, специјализиран за откривање на дрога. Има 10 години, а од две годишна возраст е во грчката полиција.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено