Уапсен Црногорец пред нападот во Париз, ја призна вината за шверц на оружје
Во тек е судењето на еден црногорски државјанин во Германија поради обвинение дека планирал со неговото возило до Париз да прошверцува калашникови и експлозиви, неколку дена пред минатогодишниот терористички напад во француската престолнина.
Имено, Вучелиќ В. (51) е уапсен за време на рутинска полициска контрола во Баварија на 5 ноември, една недела пред терористичкиот напад во Париз, во кој загинаа 130 лица, јави Танјуг.
Полицијата во неговиот „Фолксваген Голф“ пронашла осум калашникови, пиштоли, две рачни гранати и 200 грама ТНТ експлозив.
Обвинетиот, на почетокот на судењето во Минхен нагласи оти знаел дека во автомобилот превезува оружје, но дека не знаел за планираниот напад.
Како што се наведува во обвинението, на навигацискиот уред во неговиот автомобил полицијата нашла предвиден пат кој водел до адреса во Париз, а истата адреса пронајдена е во возилото запишана на ливче, како и телефонски броеви на лица во Франција.
Обвинителите сметаат дека Вучелиќ знаел за планираниот напад, иако не е пронајдена никаква директна врска меѓу него и терористите од Париз.
Предвидено е судењето да трае една недела, а доколку биде прогласен за виновен, минималната казна на која може да биде осуден е три години и девет месеци, соопштија од Судот во Минхен.
Ново на Сител
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица