У-21: Вечерва против Португалија
Фудбалската репрезентација на Македонија вечерва ќе го одигра натпреварот од третото коло во Б групата, на Европското првенство за играчи до 21 година.
Избраниците на Благоја Милевски во последната рунда ќе се сретнат со Португалија, откако претходно загубија од Шпанија (0:5) и ремизираа со Србија (2:2).
„Сè додека имаме шанси, макар и теоретски, оваа репрезентација ќе се бори. Јас искрено се надевам дека интересот за репрезентацијата до 21 година ќе биде исто толку голем како и досега. Португалија е тим со одлични поединци, одиграа на високо ниво на двата натпревари, слично како и на квалификациите. Впрочем, Португалија заедно со Македонија ја имаше најдолгата низа натпревари без пораз. Ние го почитуваме противникот, но ќе дадеме сè од себе на најдобар начин да го завршиме натпреварувањето по групи од Европското првенство“, рече на прес-конференцијата во пресрет на натпреварот селекторот Милевски, кој најави и неколку измени во составот, во однос на првите две средби.
„Натпреварот со Португалија е од големо значење, не е исто да се заврши првенството со еден или повеќе бодови. Португалија има одличен тим составен од исклучително квалитетни поединци, но ќе се бориме и ние. Ќе се обидеме да го неутрализираме нивниот напад, мислам дека ако се бориме до крај, од еден до последен можеме до позитивен резултат“, изјави Ѓоко Зајков.
Натпреварот Македонија-Португалија се игра на стадионот во Гдиња и ќе почне во 20:45 часот, а во истиот термин се игра и натпреварот во Бидгошч помеѓу Србија и Шпанија.
Шпанците со победите во првите две кола веќе обезбедија пласман во полуфиналето. Во оваа фаза веќе влегоа и националните тимови на Англија и Германија.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп