Фудбал
16. November 2016 - 9:29

У-21: Србија и Шпанија на ЕП во Полска

Младите фудбалски репрезентации на Србија и Шпанија, во вторникот, ја комплетираа листата на учесници на Европското првенство чии домаќин ќе биде Полска, а на кои прв пат во историјата ќе учествува и Македонија.
 
Србија и Шпанија играа бараж и во два натпревари ги елиминираа Норвешка, односно Австрија.
 
Младите српски репрезентативци, во петокот, на домашен терен ја совладаа Норвешка 2:0, а во реваншот загубија 1:0.
 
Шпанија и Австрија во двата меча одиграа нерешено, но Шпанците ќе играат на континенталното првенство благодарение на голот постигнат во гости. Првиот меч во Австрија заврши 1:1, а во реваншот одигран во Шпанија во вторникот немаше голови.
 
На Европското првенство од 16. до 30.јуни наредната година ќе играат Полска (домаќин), Македонија, Италија, Чешка, Португалија, Данска, Шведска, Германија, Словачка, Англија, Србија и Шпанија.
 
На ЕП 12-те селекции ќе бидат поделени во три групи, а нивниот состав ќе биде одреден на 1.декември во Краков.