Интернет
29. April 2016 - 14:19

„Твитер“ повеќе не е социјална мрежа

Наместо да се впушти во борба со Фејсбук, Скајп и Месинџер, Твитер одлучи класификацијата социјална мрежа да ја замени со етикетата вести.
 
Фејсбук во последните неколку години вниманието го насочи на видео-снимки, а Твитер ќе се обиде да се репозиционира со објавување и пренесување на вести.
 
Твитер успеа да се избори во иднина да ги пренесува натпреварите од НФЛ секој четврток, а извршниот директор Џек Дорси најави дека мрежата во иднина ќе се подобри со цел да привлече нови корисници.
 
Твитер во последниот квартл од 2015 година не забележа раст на нови корисници, но благодарение на здружувањето со другите компании, во првите три месеци од годинава забележа раст од два процента во категоријата активни корисници.