Балкан
19. December 2017 - 15:20

Тужба против хрватската полиција поради смрт на авганистанско девојче

Семејството на шестгодишната Авганистанка која на српско-хрватската граница загина кога ја удри воз, поднесе тужба против хрватската полиција бидејќи ги натерале да се враќаат преку границата.

Адвокатот што го застапува семејството Хусини денеска во Загреб рече дека тужбата е поднесена бидејќи хрватските граничари во ноќта на 21 ноември одбиле да му дозволат на семејството со шест деца да поднесе барање за азил и ги натерале да се вратат во Србија преку железничка пруга само неколку минути пред девојчето да го уди воз.

Семејството моментно се наоѓа во Србија.